BSK me sukses mbylli garat sportive në futboll dhe volejboll ???‍♀️

03 Maj 2019

Për dy ditë radhazi në sallat sportive të “The British School of Kosova”, nxënësit e nivelit të mesëm të lartë të ndarë në grupe morën pjesë në turnirin e organizuar në dy disiplina sportive; futboll dhe volejboll.

Në disiplinën e futbollit ngadhënjyen nxënësit klasës XI/2. Ndërsa në disiplinën e volejbollit fitues të çmimit të parë dolën nxënësit e klasës së XII-2.

Profesori i lëndës së Edukatës Fizike në BSK, Gazmend Preniqi përgëzoi nxënësit për lojërat fer të zhvilluara, pa incidente dhe pa lëndime. Ai gjithashtu falënderoi të gjithë organizatorët që ishin pjesë e këtyre garave dhe në veçanti nxënësit që krijuan një atmosferë festive brenda hapësirave ku u zhvilluan lojërat.

Në fund të kësaj ngjarje për ekipet fituese u ndanë edhe kupat, medaljet dhe shpërblimet.