Maturantët e BSK-së vizituan Kolegjin AAB ⬇️⬇️

19 Prill 2019

Qindra maturantë të shkollës “The British School of Kosova” në mënyrë të organizuar kanë vizituar Kolegjin AAB, për t’u njohur nga afër me kushtet e studimit që ofron ky kolegj.

Ata vizituan ambientet ku zhvillohet procesi mësimor, vizituan laboratoret, sallat sportive, teatrin kamertal “Faruk Begolli”, etj… Ata gjithashtu u informuan nga z.rektori i Kolegjit AAB, prof.dr. Shemsedin Vehapi për të gjitha programet studimore pranë këtij kolegji.

Të ndarë në grupe, maturantët vizituan edhe dekanët e fakulteteve përkatëse, ku patën rastin të orientohen edhe më detajisht se çfarë dëshirojnë të studiojnë në të ardhmen.

Nxënësit u ndanë tejet të kënaqur me pritjen që stafi i Kolegjit AAB përgatiti për ta.