Nxënësit e BSK-së, shënuan Ditën Botërore të Komplimenteve
24 Janar 2019
Mëngjesi i sotëm ka filluar më ndryshe se ditëve të zakonshme për nxënësit e nivelit fillor të shkollës “The British School of Kosova”, kjo pasiqë sot ata së bashku shënuan Ditën Botërore të Komplimeteve, ditë kjo e njohur ndërkomëtarish dhe që mbanë datën 24 janar.
Të sinqertë e të hapur ndaj njëri tjetrit, fëmijët e nivelit fillor përgatitën një kompliment për shokun ose shoqen e klasës. Komentet si; je shumë e zgjuar, je shumë organizues, ti vlenë për shoqërinë tonë, ke zë magjepsës, ti na ndihmon kur kemi nevojë, e një numër i madh i komplimenteve të tjera pozitive, gëzuan shumë fëmijët.
Të lumtur që ata vlerësohen nga shoqria e tyre ashtu siç janë, nuk hezituan të ndajnë edhe përqafime të ngrohta për njëri tjetrin.
Qëllimi i këtij aktiviteti të organizuar nga stafi i mësimdhënësve të nivelit fillor të BSK-së, ishte socializimi i nxënësve me njëri tjetrit, kjo pasiqë shkolla “The British School of Kosova”, synon që të ketë gjithëpërfshirje për të gjithë nxënësit.
![Gallery](https://britishschoolkosova.com/wp-content/uploads/2019/01/5G7A1144.jpg")
