Ndërsa vizita në Prekaz, për nxënësit ishte një ndjenjë e veçantë. Nëpërmjet gjurmëve monumentale të së kaluarës që Prekazi i ruan me krenari,  ata mësuan historinë tonë të re, sakrificën, heroizmin dhe vetëmohimin e familjes Jashari për lirinë e Kosovës. Kështu, duke qenë të vetëdijshëm për kontributin e kësaj familje, gurëthemel i lirisë tonë, tek të rinjtë u përçua mesazhi se si duhet të nderohet atdheu duke bërë sakrificën më sublime që njeriu mund ta bëjë – të vdes për lirinë e vendit.